Portada
ÚLTIMO ÁLBUM

Inter-Celtic 2014

http://www.youtube.com/watch?v=bS6WSCyfdj8

| More

O vindeiro sábado, Carlos repetirá a incrible experiencia de tocar na Catedral e nada menos que ante o Príncipe Herdeiro do Emperador do Xapón.

Carlos tocou en Xapón por primeira vez hai case 20 anos. Dende entón fixo 10 xiras alí, colaborando con moitos artistas xaponeses, como o seu amigo Ryuichi Sakamoto, con quen gravou a canción conmemorativa do aniversario de Hiroshima, ou a banda sonora de “Silk” (con Keira Knightley). Tamén participou na banda sonora dun filme de Goro Miyazaki para o mítico estudio de animación Ghibli. Carlos foi guía en Galicia de moitos destes ilustres amigos e colaboradores que se converteron en namorados da nosa terra.

En outubro, Carlos Núñez xirará de novo en Xapón, onde Sony Music editará o seu doble CD antolóxico “Discover”, que inclue colabouras con The Chieftains, Sinéad O’Connor, Luz Casal, Montserrat Caballé, Ryuichi Sakamoto, Carlinhos Brown, Compay Segundo, Omara Portuondo, Los Lobos, Jackson Browne, Ry Cooder ou Laurie Anderson.

| More

A vindeira semana actúa en Madrid o Grupo Corpo.

Son brasileiros, unha das mellores compañías de danza contemporánea do mundo, e presentarán o espectáculo, “Sem Mim”, baseado nas Cantigas de Martin Codax, para o que Carlos fixo a banda sonora, con outros artistas como Milton Nascimento, Chico Buarque, José Miguel Wisnik, as pandereteiras de Xiradela, etc.

Se estades en Madrid ou podedes ir, aconsellámosvos que aproveitedes a oportunidade de ver a est@s excepcionais bailarin@s brasileir@s e tamén de redescubrir a Martin Codax.

| More
22/04/2013

Enrique Otero

Dende a xira por Alemania gustaríame compartir con vós unha lembranza por alguén que ven de ser despedido en Vigo polos seus alumnos e amigos: Enrique Otero.

El foi un dos meus primeiros mestres de gaita, cando eu tiña apenas 11 anos. Daquela Enrique conseguira algo novo: A entrada da Gaita no Conservatorio de Música.

Home miúdo pero de gran fortaleza física e mental, nas suas clases era, ao mesmo tempo, durísimo e cariñoso coma ninguén. Transmitía con tanta intensidade que facilmente facía saltar as bágoas!

Pero o seu método daba resultado… Podemos asegurar que a meirande parte dos seus alumnos practicaban unha inconfundible “dixitación enérxica” que raramente se estilaba nos domininios do punteiro.

Ricardo Portela, por considerarse de estilo pontevedrés, enmarcaba o seu propio toque como un subgrupo da ribeira con certas características da montaña: “facemos das pezas de danza algo solemne”. Pois ben, para min, Enrique Otero representaba o paradigma do xeito das Rías Baixas, en concreto dos gaiteiros da Ría de Vigo: Esa gaita tan apaixoada que pode chegar a ser sorprendentemente a máis alegre e a máis triste de todas.

Que casualidade que Enrique nos deixe na mesma cidade na que Rosalía de Castro publicou hai xusto 150 anos aqueles versos onde ela se
preguntaba se a gaita ría ou choraba.

Ata sempre querido maestro, intentaremos seguir o teu ronsel.

Carlos

| More

Carlos Núñez presentará o seu novo disco nun concerto en Vigo o 27 de decembro.

O 6 de novembro publicouse Discover, un 2-CD que inclúe 4 inéditos así como moitas colaboracións con artistas amigos gravadas ao longo dos anos fora da súa propia discografía, que agora se unifican neste disco. Como escribiu recentemente un xornalista durante a súa xira norteamericana, máis que unha antoloxía ao uso é “un disco gravado durante 15 anos”, tal é a coherencia da viaxe que descrebe.

Discover contén 39 temas que percorren a obra dun artista na procura das conexións da música galega con outras culturas, exploradas sempre con primeiras figuras de cada xénero: o celta cos Chieftains, Sinéad O’Connor ou The Waterboys; o cubano con Omara Portuondo ou Compay Segundo; o mexicano con Los Lobos; o brasileiro con Carlinhos Brown; o flamenco con Carmen Linares, Vicente Amigo, ou Carles Benavent; o medieval con Montserrat Caballé ou Jordi Savall… e tamén aparecen conexións menos evidentes a primeira vista, pero fácilmente comprendibles no fluir do disco e da carreira de Carlos, como por exemplo: Luz Casal, Ry Cooder, Jackson Browne, Ryuichi Sakamoto, Laurie Anderson, ou Roger Hodgson de Supertramp.

Le Monde adica ao disco unha páxina completa e explica que se chama Discover non porque Carlos sexa un novato descoñecido, senón porque é sorprendente descubrir a cantidade e variedade do faito por este especialísimo artista nestes primeiros 15 anos de carreira : Dende tocar ante 2 millóns de persoas no xubileo de Roma, a actuar na inaguración da Ryder Cup televisada a todo el mundo; de facer un concerto dende o barco da Fura dels Baus, con centos de actores pendurados dos guindastres do porto e zarpando ao rematar, a facer a música para un dos mellores grupos de danza contemporánea do mundo, o brasileiro Grupo Corpo, ou para un filme de animación de Ghibli - o Disney xaponés - , ou a súa máis coñecida experiencia con Amenábar para Mar Adentro, ata tocar nun estadio, ou cunha orquestra sinfónica fronte á Catedral de Santiago.

| More

www.lavozdegalicia.es

| More

Podedes ver a noticia aquí.

| More

Sete escollidos. Os premios da Cultura Galega destacan aos clásicos do país. Os galardóns salientan «o traballo creativo e a expansión no exterior»
Carlos Núñez: «Hai que facer do mundo a nosa casa para seguir facendo música»

| More

O documental Brasil somos nós sobre a aventura de Carlos no Brasil gaña no Festival de Cinema Internacional de Ourense o Premio do Público ao Mellor Documental e o Premio Miño ao mellor filme producido en Galicia ou Portugal.

| More

Despois do gran éxito no Festival de Cans, presentaremos este xoves día 26 de maio o documetal BRASIL SOMOS NOS no Centro Social Novacaixagalicia na rúa Policarpo Sanz 26 as 20:30. Entrada gratuíta ata completar aforo.

| More
1 2 3 ... 10