Acábase de estrenar en España o filme Seda con Keira Knightley e Michael Pitt. Dirixida por François Girard (El Violín Rojo), a banda sonora está composta por Ryuichi Sakamoto e inclúe algunhas participacións de Carlos.
Vense de estrear en España o filme MI MONSTRUO Y YO en cuxa banda sonora participou Carlos. A gravación realizouse nos estudos Abbey Road de Londres coa London Symphony Orchestra. Tamén participaron, cómo non, The Chieftains, e Sinéad O’Connor, que canta o tema principal, producido por Daniel Lanois.
Estamos orgullosos de anunciar que Niamh Ní Charra, que toca o violín no grupo con Carlos, Pancho e Xurxo dende xunio de 2007, despois de estar varios anos con Riverdance, ven de recibir o premio “The Best Traditional Music Act 2008″ de The Irish World. Niamh tivo que voar dende Alemania, onde está de xira con Carlos e o grupo, ata Londres, onde o recibiu e voltar axiña para seguir coa xira que fan todos os anos por esas terras e na que esta vez os acompaña tamén o guitarrista flamenco Victor Romero, lembrando o disco “Os Amores Libres”.
O último disco de Carlos, Cinema do Mar, é finalista aos XII Premios de la Música na categoría de Mellor Álbum de Fusión.
O día 15 de febreiro Carlos Núñez actuará no teatro Amadeo Roldán da Habana como solista da Real Filharmonía de Galicia. Será a primeira vez que Carlos faga o seu programa sinfónico cunha orquesta galega, despois de tocar con orquestas en Alemania, EE.UU., Xapón, Italia, Francia, Reino Unido, etc.
Carlos actuou en Cuba por vez primeira en 1993, no histórico Teatro García Lorca do Centro Galego da Habana. Nese concerto foran os seus invitados La Vieja Trova Santiaguera, cos que se interpretou o Para Vigo me Voy de Lecuona, que daquela estaba prácticamente esquencido, malia o seu grande éxito décadas atrás. Dende a súa gravación no primeiro disco de Carlos volveu ser o grande paradigma destas músicas emigrantes.
Esa visita á illa hai xa 15 anos, faríalle descobrir a música galega na emigración americana, cuxo interese máis evidente é a fusión que se produciu coas músicas latinas, como foi o caso da canción Galleguita, unha cubanización de Unha Noite na Eira do Trigo, sen dúbida a canción galega que máis callou en Cuba.
Pero esa viaxe tamén foi o descubrimento da conservación na emigración de maneiras de facer música galega arcaicas, que en Galicia despareceran, especialmente trala guerra civil. Isto é especialmente evidente en Cuba, onde neses primeiras visitas aínda vivían gaiteiros galegos moi velliños - algún deles pasaba dos 100 anos, como Clemente Brañas-, que tocaban nun estilo desaparecido xa prácticamente en Galicia. Eses gaiteiros foran máis tarde obxeto dun documental, Los últimos Gaiteros de La Habana, Premio Iberoamericano de Periodismo Rey de España 2004, no que aparece o encontro de Carlos cun dos derradeiros gaiteiros da Habana vivos daquela, Eduardo Lorenzo. Hoxe non debe quedar case ningún.
Contoulle todas estas historias a Paddy Moloney dos Chieftains e a Ry Cooder, con quen Carlos estaba a gravar en Nova York. Ambos se animaron, e en 1995 graváronse nos estudios da Egrem, con eles dous mailo resto dos Chieftains, ademáis de varios músicos cubanos (Omara Portuondo, Cachaíto, Pancho Amat, Richard Egües…), varios temas para o disco “Santiago”, que gañaría un Grammy. Ry Cooder voltaría uns meses despois e con varios dos mesmos músicos gravaría Buena Vista Social Club.
Hoxe, esa inexplorada conexión da música galega con América gracias aos nosos emigrantes, xa é parte do noso imaxinario.
Carlos atópase estes días en Salvador de Bahía realizando investigacións musicais para o seu novo disco.
Esta visita en profundidade a Brasil era unha asignatura pendiente dende que Carlos dera alí o seu primeiro concerto hai dez anos, no SESC Pompeia de Sao Paulo, sen dúbida un dos más emblemáticos eidos da cultura en Brasil.
Carlos aproveitará esta viaxe para seguir o seu traballo de espallamento da música galega, neste caso a través de diversas conferencias organizadas polo Instituto Cervantes, en Río, Sao, Paulo, Curitiba…
15 xaneiro, Río de Janeiro
Casa de Espanha, 20:00
riodejaneiro.cervantes.es
www.casadeespanha.com.br
21 xaneiro, Sao Paulo
Instituto Cervantes, Auditorio, 20:00
saopaulo.cervantes.es
26 xaneiro, Curitiba
XXVI Oficina de Música, Salão Nobre do Colégio Estadual do Paraná, 14:30
www.oficinademusica.org.br
Neste blog xaponés podedes ver algunhas fotos da segunda xira xaponesa deste ano.
Este é un ano especialmente adicado a Xapón: Dende a participación de Carlos na banda sonora de Gedo Senki e a edición dun disco adicado á música da película, “Melodies from Gedo Senki” - o primeiro de Carlos exclusivamente dedicado ó mercado xaponés - , sucedéronse as experiencias xaponesas.
A última permitiu o reencontro coa xente de Ghibli, Disney e a Nippon TV, que en xullo visitaron Galicia para conocer o lugar de orixe de Carlos.
Entre outros concertos Carlos deu un moi especial só para nenos no sorprendente Museo Ghibli en Tokio.
Mais de 8.000 persoas disfrutaron do primeiro concerto de Carlos en México.
O calor da noite e do público chihuahuense fixeron máxico este primer concerto de Carlos acompañado de The National Youth Pipe Band of Scotland no Festival Internacional de Chihuahua.
+ info: www.elestatal.com
Debido á folga xeral comezada esta mañá en Israel, o concerto de Xerusalén posponse ata nova data. Carlos e o grupo tiñan un interés persoal neste concerto tan especial e lamentan profundamente este feito. Semella que o concerto creara moita expectación e as entradas estaban esgotadas dende hai días, polo que esperan poder compensar aos interesados moi pronto.